Паян шкулта чăваш чĕлхи эрни пуçланчĕ. Чăваш чĕлхипе литературине вĕрентекен Музянова Л.Г. ачасене Чăваш  Улăпĕн пурнăçĕпе, унăн ĕçĕсемпе паллаштарчĕ. 5-9-мĕш классенче вĕренекенсем Иван Яковлева халалласа çырнă сăввисене илемлĕн вуларĕç. Уйрăмах А.Мешков, Д.Кузнецова, Г.Мурзаева, Р.Титова тата С.Васильев çырнă сăвăсем пурне те килĕшрĕç. 6-мĕш классем «Илемлĕ, илемлĕ» юрра шăрантарчĕç. С.Г.Потонова  библиотекарь «И.Я.Яковлев-чăваш халăхне çутта кăлараканĕ» выставка йĕркелерĕ. Унта патриархăн пурнăçне пур енчен те çутатса пама тăрăшнă.